Pasi ishte në Kosovë për arsye që nuk i morëm vesh (OK përtej faktit se takoi Mozzik), Loredana u kthye në Gjermani. Por, bashkë me të duket se është rikthyer edhe Mozzik dhe këtë na e tregoi vetë reperja duke postuar një video të makinës së tij në story në Instagram. (KLIKO)
Si duket ata po kalojnë kohë së bashku dhe nuk i kursejnë as shëtitjet të tre rrugëve të Gjermanisë. Këtë na e kanë zbuluar vetë padashje.
Ka qenë Loredana ajo që ka postuar një video të Hanës ditën e djeshme në Instagram, ku shihet duke ecur, kurse Mozzik publikoi disa video nga makina e tij këtë mëngjes.
Nëse ende nuk e keni kuptuar ku është e përbashkëta në këto video- po ua themi ne: xhupi i zi i reperit.
I njëjti xhup që ai mban veshur në videot e publikuara në llogarinë e tij të Instagramit, shihet edhe në videon e Hanës e kjo nuk lë asnjë vend për diskutime.
Kujtojmë se pak ditë më parë, u vu re se Loredana dhe Mozzik ndiqen në Tik-Tok dhe fill pas këtij lajmi në media qarkulloi një video ku dyshja shihej teksa bënte shopping në Gjermani.
E nëse për skeptikët këto shenja nuk thonë asgjë, detajistët vunë re se ata veshin rrobat e njëri-tjetrit.
Sikur mos të mjaftonin këto, një foto e dyshimtë nga ditëlindja e Mozzik na bëri të mendojmë se ata e kanë kaluar bashkë këtë ditë të veçantë.
Ndërkohë, kapakun muhabetit ia vendosi vetë Loredana pak ditë më parë, duke komentuar në videon e saj dhe të Mozzik në qendrën tregtare në Gjermani.
Një kontribut të madh në këto lajme dha edhe vëllai i Loredanës i cili “rastësisht” realizoi një video live në Instagram gjatë kohës kur Loredana ishte në Kosovë, duke dëgjuar këngën e Mozzik për Hanën. (KLIKO)
