Aktivistja Greta Thunberg të shtunën tregoi mbështetjen e hapur për demokratin Joe Biden, duke u bërë thirrje votuesve që të votojnë në zgjedhjet presidenciale të SHBA.
17-vjeçarja suedeze shkroi në Twitter se ajo nuk merret me politika të tilla, por shtoi se zgjedhjet e ardhshme në SHBA janë mbi dhe përtej gjithë kësaj.
“Nga perspektiva klimatike është shumë larg nga sa duhet të jetë dhe sigurisht që shumë prej jush mbështetën kandidatë të tjerë. Por, dua të them që ju e dini, dreqin! Thjesht organizohuni dhe bëni që të gjithë të votojnë # Biden”, shkroi ajo.
I never engage in party politics. But the upcoming US elections is above and beyond all that.
From a climate perspective it’s very far from enough and many of you of course supported other candidates. But, I mean…you know…damn!
Just get organized and get everyone to vote #Biden https://t.co/gFttFBZK5O— Greta Thunberg (@GretaThunberg) October 10, 2020
Thunberg mund të inkurajojë pjesëmarrjen në votim në radhët e të rinjvw që zakonisht janë më pak të prirur të votojnë sesa kategoritë e tjera të shoqërisë amerikane.
Pasi ajo u shpall si personi i vitit nga revista “Time” në 2019, Presidenti i SHBA Donald Trump u tall me aktivisten adoleshente në Twitter duke i thënë se ajo kishte nevojë për të “punuar me menaxhimin e zemërimit”.
Trump gjithashtu ironizoi fjalimin e Thunberg për klimën vitin e kaluar, në të cilin ajo denoncoi me zemërim liderët botërorë për dështimin për të trajtuar ndryshimet klimatike, duke iu kërkuar llogari: “Si guxoni?”.
Greta dhe lëvizja ‘Fridays for Future’ u nominuan për Çmimin Nobel për Paqes të këtij viti, i cili të premten iu dha programit botëror të ushqimit të Kombeve të Bashkuara.
