Akademia Suedeze e Nobelit ka ndarë çmimin Nobel në Letërsi për vitin 2020. Këtë vit, çmimi i është dhënë shkrimtares amerikane Louise Glück, e cila është bërë shkrimtarja e parë amerikane që fiton çmimin Nobel për letërsi në 27 vjet.
Glück ka marrë çmimin Nobel me motivacionin ” për zërin e saj të pagabueshëm poetik që me një bukuri të rreptë e bën ekzistencën individuale universale“.
Louise Glück ka lindur në New York në vitin 1943 dhe është rritur në Long Island dhe është autore e dhjetëra librave dhe fituese e po kaq çmimeve.
Këtë vit çmimi vlen 10 milion korona suedeze (957,671.53 euro). Nga 116 fituesit e mëparshëm të letërsisë Nobel, 15 ishin gra, dhe shkrimtari i fundit afrikan i zi ishte Wole Soyinka, në 1986.
Shkrimtari shqiptar Ismail Kadare sërish nuk ka mundur të triumfojë, pavarësisht se ai u nominua për të disatin vit nga shteti shqiptar.
