Bella Hadid ka ndryshuar tërësisht look, duke ju përshtatur më shumë sezonit të vjeshtës. Modelja e njohur është fotografuar ditën e djeshme duke dalë nga një sallon bukurie dhe të gjithë e vunë menjëherë re ndryshimin drastik në pamje.
Bella ka hequr dorë nga flokët e zinj, duke i lyer në një ngjyrë karameli. Por ne vend që ta bënte një ngjyrë të gjithë flokun, ajo e kishte përzier karamelin me një ton çokollate të zezë. Look-u i ri i modeles ju ka kujtuar të gjithëve fillimet e viteve 2000 dhe duket se ky do të jetë trendi i këtij viti.
Ky ndryshim i Bella Hadid vjen vetëm pak ditë pasi ajo u shfaq në sfilatën e super diskutuar të Rihanna-s, Savage x Fenty. Atë ditë ajo ruante ende modelin e saj origjinal të flokëve, në ngjyrë të zezë dhe prerë shkurt. Por tashmë duhet ta harroni plotësisht Bella-n e vjetër dhe të filloni ta konsideroni dhe ju një ndryshim të freskët në pamje si ajo.
