Është e pamundur mos të jesh ndeshur me reklama të Vodafone kudo në media, qofshin këto media konvencionale, qofshin këto media të reja.
Një ndër gjërat që na ka ‘velur’ më shumë nga këto reklama është fjala “OFERTË”, që padyshim kur e sheh aq shumë sa në rastin konkret, të bën të dyshosh se ka diçka që nuk shkon me kompaninë zemërgjerë.
Kështu, nisur nga ky fakt bëmë dy vëzhgime të thjeshta, që tregojnë mjaft mirë se “OFERTA” është fasadë të cilën pak ta gërvishtës, do zëvendësohet nga “ABUZIM”.
Bli telefon te Vodafone dhe paguaj më shumë se kudo
Së pari, nëse po kërkoni të blini një telefon të ri dhe hasni në këtë reklamë nga Vodafone, mos e blini sepse jo vetëm që nuk përfitoni asgjë, po përkundrazi po paguani më shumë.
“Iphone 11 Pro (64 GB)” shitet nga kjo kompani telefonike me një çmim prej 138,900 lekësh dhe ‘si dhuratë’ ju ofrohen 120 GB.
Mirëpo, nëse ju hedhim një sy listës së çmimeve nga “Apple” vëmë re se ky celular kushton 999 euro, ose 122,877 lekë (me kursin e këmbimit të ditës së sotme).
Sakaq, nëse do e krahasonim me çmimet e tjera të tregut sërish do vinim re një abuzim, pasi ato varijojnë, si më poshtë:
Po ashtu, Vodafone në Shqipëri e shet këtë produkt më shtrenjtë se Vodafone në dy vendet fqinje, Itali dhe Greqi:
Pra, jo vetëm që nuk do merrnit një telefon të ri me ofertë, por përkundrazi, do paguanit më shumë se kudo.
Je apo s’je klient i Vodafone, kjo nuk ndikon në normën e interesit
Shembulli i dytë që nxjerr në pah ofertën “Bli dy, paguaj tre” është pikërisht bashkëpunimi i Vodafone me Union Bank, dhe pretendimi se klientët e Vodafone përfitojnë një normë interesi prej 8.9% për kreditë konsumatore.
Na vjen keq t’ju themi por fakti nëse jeni apo jo klient i Vodafone nuk përbën ndonjë ndryshim, pasi norma e interesit për këto kredi është 8.9% për të gjithë.
Madje në banka të tjera mund ta gjeni edhe më lirë.
Mediat dhe entet rregullatore thjesht heshtin
Dy shembujt e mësipërm, që nxjerrin në pah abuzimet e Vodafone, janë mashtrime publike dhe veprimet e Vodafonit duhet të hetohen menjëherë nga entet rregullatore, përfshirë këtu Autoritetin e Konkurrencës.
Ndonëse tregu i kompanive telefonike është ndër më abuzuesit në vendin tonë, ajo që bie në sy është fakti se mediat nuk po e kryejnë si duhet rolin e tyre si “watchdog”, dhe në vend që të denoncojnë, heshtin.
Si mediat tradicionale, ashtu edhe mediat e reja, kah të cilave është vëmendja më e madhe ditët e sotme, mbahen me reklamat e këtyre kompanive, duke lënë mënjanë parimet e gaztetarisë e duke u orientuar kah parimeve të biznesit.
