Miriam Cani ka që nga 14 janari (dita kur lindi i vogli Duam) që po jeton jetën si një nënë me kohë të plotë. Ajo i është përkushtuar plotësisht dy vogëlushëve të saj dhe thuajse në çdo postim në rrjete sociale shfaqet përkrah tyre. Artistja është shkëputur prej muajsh nga jeta publike, por duket se ka vendosur të rikthehet fuqishëm me një projekt të ri.
Këngëtarja ka publikuar në Instagram një foto të saj, në të cilën shfaqet si gjithmonë mjaft e kuruar. Por këtë herë përveç fotos ka tërhequr vëmendjen edhe përshkrimi me të cilën e ka shoqëruar imazhin e saj. “Gjëra të bukura po vijnë”, ka shkruar këngëtarja, duke i lënë fansat të fillojnë me aludimet.
Sigurisht që pjesa më e madhe e tyre mendojnë se Miriami po përgatit një këngë të re, sepse ka kaluar më shumë se 1 vit nga projekti i fundit muzikor i saj.
“Më në fund kënga”, i komenton një faqe fansash.
“Kënga e re apo çfarë”, shkruan dikush tjetër.
Miriami nuk i është përgjigjur askujt, duke e lënë gjithçka enigmë deri në një moment të dytë kur do të vendosë të flasë vetë për më shumë. Në maj të 2019-tës ajo publikoi bashkëpunimin me Alban Skënderaj “Duamë” (nga e mori emrin dhe djali i tyre) dhe në po të njëjtin muaj ata kurorëzuan dashurinë me martesë.
