Tayna është padyshim një nga emrat më në zë në tregun shqiptar, e cila brenda një kohe të shkurtër arriti të depërtonte në muzikën shqiptare duke korrur goxha sukses.
Përveç super talentit në rep, ajo na ka dëshmuar disa herë se ka një super zë dhe madje mund të përshtatet mjaft mirë dhe në rryma të tjera.
Ajo na ka dëshmuar se baladat sidomos i qan, duke na dhënë dëshirën që ta shohim të performojë këngë të tillë.
Dhe këtë dëshirë ajo na e ka plotësuar sot.
Reperja nga Kosova ka publikuar një video në Instagram teksa këndon “Make you feel my love” nga Adele dhe na emocionoi kaq shumë.
“Ditë me shi” ka shkruar Tayna krah videos teksa pa frikë mund t’i kërkojmë të na realizojë ndonjë baladë sa më parë.
OK! Duhet ta pranojmë se rrallë e shohim kaq melankolike Taynën, për shkak edhe të zhanerit që lëvron, por si duket ditët me shi krijonkan tek ajo efektin që krijojnë te pjesa më e madhe e njerëzve!
Kur thuajse të gjithë artistët shqiptarë kanë ardhur me bashkëpunime këtë verë, Tayna e kërkoi suksesin e vetme.
Në korrik 23-vjeçarja solli “Bass” që u mirëprit shumë mirë nga fansat dhe numëron miliona klikime, duke u pasuar më pas nga “Qe qe”, një ndër refrenet e kësaj vere.
Kujtojmë se Tayna numëron disa hite në repertorin e saj, kurse këtë verë po ashtu ka shënuar një hap të ri në karrierë, duke nënshkruar kontratë me “Sony Music” në Gjermani.
