E ftuara e ditës së sotme në emisionin “Rudina” ishte moderatorja shumë e dashur për publikun shqiptar, Fatma Methasani.
Në një rrëfim para kamerave, ajo foli për mëmësinë, të voglin Noah dhe planet e së ardhmes në televizion e jashtë tij.
Sigurisht, tashmë kryefjala e ditës së saj është i vogli Noah, fryt i dashurisë mes Fatmës dhe Alfios.
Madje ky i fundit tregoi edhe njëherë se është partneri perfekt, duke e surprizuar Fatmën në mes të emisionit.
Ai i kishte dërguar moderatores një buqetë me trëndafila, së bashku me një letër dashurie ku shkruante fjalët e ëmbla:
“Zemra ime e vogël e kuqe! Ti bën gjëra të mëdha me dashuri të madhe. Faleminderit për të gjithë lumturinë që më ke sjellë dhe lumturinë që vazhdon më jep çdo ditë! Me ty ndihemi të sigurt dhe të dashuruar! Të duam shumë, babi Alfio dhe Noah!”
Kjo surprizë e bukur e emocionoi Fatmën, e cila s’i mbajti dot lotët në emision.
Por kjo nuk përfundoi këtu! Alfio u shfaq në studio dhe e befasoi sërish partneren me byrek me spinaq dhe djathë, të preferuarin e saj, të cilin e kishte përgatitur plot dashuri.
Për dashurinë bëhen të gjitha, edhe byreku në emision!
