Situata ka dalë jashtë kontrolli në një qendër shëndetësore në Elbasan, ku është i infektuar i gjithë stafi.
Pesë persona në qendrën shëndetësore në lagjen Skënderbej ka rezultuar i prekur me koronavirus, duke bërë që të mbyllet e gjithë qendra.
ABCnews.al raporton për 3 infermierë dhe 2 mjekë të infektuar, të cilët pas daljes së përgjigjes së tamponit janë karantinuar.
Për pasojë qendra shëndetësore është mbyllur. Nuk dihet ende ku do të transferohen shërbimet shëndetësore për banorët e kësaj zone.
Ndërkohë, nuk dihet nëse në ditët e fundit qendra është frekuentuar nga pacientë të cilët gjithashtu duhet të karantinohen për çdo rast rreziku.
Situata me koronavirusin është përshkallëzuar dhe Covid ka detyruar edhe mbylljen e një gjimnazi në Përmet ditën e djeshme, pas 6 mësuesve që rezultuan pozitivë në testin për virusin.
/abcnews.al
