Sot është ditëlindja e reperit Mozzik dhe në këtë ditë të veçantë nuk kanë munguar urimet për të!
Një urim i veçantë i ka ardhur edhe nga kolegia e tij Tayna, për të cilën pak kohë më parë u përfol për një prishje të raportit.
Ka qenë reperja ajo e cila ka hedhur poshtë zërat njëherë e mirë më këtë urim të përzemërt për Mozzik.
“Urime ditëlindje djali ma i mirë @mozzik më shumë jetë edhe lumturi, se i meriton”, ka shkruar ajo.
Edhe reperi reagoi pak kohë më parë për raportin pas zërave se miqësia e tyre ka përfunduar. Në një reagim për iconstyle.al, ai u shpreh se Tayna është shoqja e tij më e mirë:
“Joo, janë të pavërteta, Tayna është shoqja ime më e mirë. Flamurin e kam vendosur pa vetëdije mbi emrin e saj dhe timin”, është shprehur reperi.
Tashmë të gjithë mund të qetësohemi dhe të kryqëzojmë gishtat për një tjetër bashkëpunim mes tyre, pas atij të titulluar “Edhe ti” që mori mbi 33 milionë klikime.
