Nuk i ka shpëtuar Covid-19 as shefja e Epidemiologjisë në Institutin e Shëndetit Publik, Silva Bino.
BalkanWeb raporton së fundmi se Bino është shtruar prej disa ditësh në spital e Infektivit, ndërsa gjendja e saj paraqitet e stabilizuar.
Kujtojmë se deri më tani në vendin tonë që prej fillimit të pandemisë, 377 persona kanë humbur jetën nga koronavirusi, ndërsa numri i përgjithshëm i të infektuarve ka shkuar në 13,259.
Një pjesë e madhe e personelit shëndetësor është prekur nga koronavirusi, madje spitalet u kthyen pak kohë më parë në burim infektimi.
Mes të prekurve ka qenë edhe kreu i Urgjencës Skëndet Brataj, disa deputetë e figura të shumta publike.
