Pak para se të nisej drejt Turqisë për të takuar presidentin turk Erdogan, kryeministri Rama ka firmosur vendimin e Këshillit të Ministrave për të mbyllur shkollat turke në Shqipëri, MIST dhe Medreseja “Hafiz Abdullah Zëmblaku”.
Në këtë vendim përfshihet mbyllja e të gjithë rrjetit të shkollave të të gjitha niveleve arsimore, shkolla të cilat për 30 vite kanë qenë më kërkueset dhe me standartet më të larta të mësimdhënies në Shqipëri.
Medreseja “Zëmblaku” ka vepruar në qytetin e Korçës, ndërsa MIST ka institucione arsimore që përfshijnë disa qytete të Shqipërisë, ku bëjnë pjesë institucione si Tirana Turgut Ozal K9, Tirana Turgut Ozal K10-12, Durrës Turgut Ozal K12, Epoka University, Dormitory “Pranvera”.
Ndërkohë që presim një përgjigje nga inistitucionet më sipër, për “Iconstyle.al” univeristeti “Bedër” ka sqaruar se ky universitet nuk ka lidhje me lajmin e publikuar apo këtë vendim.
Kolegji Universitar “Bedër” administrohet nga Fondacioni “Hafiz Ali Korça”, fondacion i cili është themeluar po nga KMSH-ja me qëllim të posaçëm administrimin e këtij universiteti.
Vendimi i Këshillit të Ministrave
-Mbylljen e veprimtarisë së institucioneve arsimore private parauniversitare “Memorial International School of Tirana”, në të gjitha nivelet arsimore.
– Mbylljen e veprimtarisë së institucionit privat, Medreseja “Hafiz Abdullah Zëmblaku”, Korçë
Ky vendim është marrë një ditë pasi Besa Shahini la postin e saj dhe pritet të hyjë në fuqi në datën 26 të muajit shtator.
Sipas “Dosja.al” lajmi për mbylljen e këtyre shkollave është bërë publik nga vetë agjencia shtetërore e lajmeve turke “Anadolu”.
Në mediat turke thuhej se shkollat e mbyllura kishin lidhje me të ashtuquajturën organizatë terroriste FETO në Shqipëri, e financuar nga aktivisti Fetullah Gylen.
Ministria e Arsimit është shprehur se dy medresetë ndoqën të njëjtën rrugë si MIST, duke kërkuar vetë mbylljen e tyre.
“Shkollat kanë kërkuar të mbyllen vetë për arsye ekonomike dhe nxënësit kanë kaluar tanimë në shkolla publike. Dy medresetë do të mbyllen me vendim të Këshillit të Ministrave”, tha Ministria e Arsimit për këtë vendim të papritur i cili prek jo pak popullin shqiptar.
Gjithashtu në Turqi, që prej grushtit të shtetit janë mbyllur të gjitha shkollat e financuara nga Gylen. Por pse ky vendim u mor edhe për shkollat që operojnë në Shqipëri?
Iconstyle.al është ende në pritje të një përgjigjeje nga shkollat e përmendura.
