Në dhjetor të vitit 2019 u mbajt nata finale e edicionit të 21 të “Këngës Magjike”, ku u shpall fituese e çmimit të parë këngëtarja Eneda Tarifa.
Vendin e dytë e mori Fifi, ndërsa të tretin Anxhela Peristeri.
Fifi dhe Eneda vlerësuan njëra-tjetrën me 30 pikë dhe dhanë mbështetjen e tyre deri në fund për këngën e koleges, mirëpo tek “E Diela Shqiptare” i patën dy fjalë me njëra-tjetrën. (Lexo këtu)
Madje, raporti i tyre u kris dhe çuditërisht nuk e ndoqën më njëra-tjetrën në rrjete sociale.
Por, thuajse një vit pas kësaj ngjarjeje, duket se marrëdhënia mes vajzave është rregulluar.
Mbrëmjen e sotme Fifi ka ndarë në InstaStory një foto me Enedën, duke lënë të kuptohet se gjithçka i ka mbetur të shkuarës.
“Për të gjithë ata që na duan dhe nuk na duan, ishim dhe jemi shoqe.”- shkruan këngëtarja.
Epo, e shkuar e harruar! Rroftë shoqëria!
