Ditën e sotme, aktori i njohur Erion Isai mirëpriti në jetë fëmijën e tij të dytë.
Bashkëshortja e tij solli në jetë vajzën e dytë të çiftit, për të cilën zgjodhën emrin më të veçantë që kemi dëgjuar deri më sot.
Çifti e ka quajtur të voglën E’dua, ndërsa në Instagram nuk ka munguar edhe foto e parë nga materniteti.
“U bëmë 4. Faleminderit Zot! ❤. Erdhi tek ne vajza e dytë. Quhet: E’dua. Përulem para Zotit për bekimin më të madh që më ka dhënë! Nga sot, shërbëtor i 3 princeshave! ❤”- shkroi aktori krahas postimit ku shfaqej dora e foshnjës.
Por, si erdhi ideja e këtij emri? Këtë e ka treguar vetë Erioni në emisionin “Abc-ja e pasdites”.
“Erdhi nga halli, si me thënë, sepse na pëlqente Dua, por ky ishte një emër shumë i përhapur. Mamaja e bashkëshortes ime propozoi E’dua. Ne e vendosëm edhe apostrofën për t’i dhënë ndarjen fjalës, për të krijuar një fjalë shqip. Ne jemi partizanë të gjuhës shqipe për ta trashguar atë, është një lloj krenarie gjuha shqipe, nuk na pëlqen ideja e emrave të huaj”.- ka treguar ai.
Jetë të gjatë E’duas!
