Më në fund Yll Limani ka publikuar këngën e shumëpritur të titulluar “Buzët e kuqe” dhe duhet ta pranojmë se ia ka vlejtur gjithë kjo pritje.
Sikundër na kishte paralajmëruar këtë herë këngëtari vjen ndryshe nga projektet e tjera, me një këngë të frymëzuar nga trendi më i ri botëror: rikthimi i periudhës së viteve ’80.
Vetë Ylli e ka cilësuar këtë si ‘rrezik’ duke shtuar se është në moshën e duhur për eksperimente artistike dhe sapo na vërtetoi se bëri shumë mirë që rrezikoi.
Kënga flet për një marrëdhënie të përfunduar, mirëpo dashuria dhe xhelozia ende jetojnë te Ylli (si protagonist i këngës) dhe ndër të tjera në tekst thuhet :
Mos i ly ti buzt e kuqe
Mos u dok mas mirti n’bot
Se hala xhelozoj
Se jom idiot
Mos i ly ti buzt e kuqe
Mos i lsho ti ato flok
Se hala xhelozoj
Se jom idiot
Kujtojmë se ditën e sotme, artisti feston ditëlindjen e tij të 26 dhe publikimi i projektit erdhi si një surprizë për fansat e tij.
Kështu u surprizofshim gjithmonë!
