Teksa të gjithë po presim të reja nga lidhja e shumëpërfolur e Hande Erçel dhe Kerem Bürsin, mediat turke janë pushtuar orët e fundit nga lajme mbi takimin e saj me ish-partnerin.
Aktorja e mirënjohur dhe këngëtari Murat Dalkılıç janë përballur mbrëmjen e djeshme në dasmën e miqve të tyre të përbashkët Feyza Kazaklar dhe Mustafa Efe Arıcı, ku nuk kanë munguar as përshëndetjet mes njëri-tjetrit.
Murati këndoi për çiftin një këngë mjaft të ndjerë të tijën të titulluar ‘Hasret Geceleri’ (Netë me mall). Mirëpo, ajo që mori vëmendjen e mediave është fakti se teksa këndonte Murati i kishte sytë nga Hande dhe kënga ndër të tjera thotë “Më përqafo, dashuria ime, si më parë. Ka dhembje, që nga dita që u largove. Le të mbarojë, zemra ime po dëshiron netët”.
Nga ana tjetër, Hande ka qenë indiferente dhe ka qëndruar gjatë gjithë kohës në telefon.
Ndërkohë, kur u pyet nga gazetarët rreth Muratit ajo tha: “Ne nuk i mbajmë inat njëri-tjetrit. Duke qenë se kemi shumë miq të përbashkët, do na shihni shpesh bashkë”.
Kujtojmë se pasi lajmëroi ndarjen me këngëtarin, Hande shkroi se kanë një raport të mirë dhe janë ende miq.
Sakaq, lidhur me raportin mes saj dhe Keremit, të dy ata kanë deklaruar se thjesht po bëjnë punën, por fansat mendojnë ndryshe.
Madje dy javë më parë rrjeti u pushtua nga lajmet se babai i aktores ka filluar të ndjekë në Instagram jo vetëm Keremin por edhe nënën e tij. (KLIKO)
