Prej disa javësh në rrjet është diskutuar gjatë për ndryshimet e fundit të spektaklit të humorit “Portokalli” dhe përplasjet e protagonistëve me drejtuesin e emisionit.
Emra të njohur që na kanë shoqëruar në “Top Channel” prej vitesh janë larguar këtë sezon dhe duket se emisioni do të vijë me ndryshime të mëdha.
Mirëpo, “rënia” e “Portokallisë” në këtë mënyrë duket se është komentuar nga producenti i “Klanifornia”, Turjan Hysko.
Në një postim në InstaStory, ai përmendi fjalën ‘frut’ duke lënë të nënkuptohet “Portokalli”.
“Cikël është e gjitha! Fruti çel, rritet, piqet, kalbet! Nuk është me inat kjo punë!”- shkroi Turi, i cili më vonë publikoi edhe statistikat e shikueshmërisë së “Klanifornias”.
I kontaktuar nga “Anabel.al” lidhur me këto postime, Turi duket se s’ka dashur të komentojë gjatë dhe është shprehur se s’ka asnjë lidhje me “Portokallinë”.
“Nuk është e vërtetë! S’ka lidhje fare. Unë punoj te Klanifornia”- është shprehur Turi.
