Nuk ka rëndësi se si e bën pyetjen apo çfarë përgjigje merr, e rëndësishme është që ti dhe partnerja jote ta mbani mend atë moment gjithë jetën.
Bruno Neves, një shpërndarës mallrash nga Norfolk, e çoi tërësisht në një tjetër nivel propozimin për martesë pasi pyeti të dashurën e tij, Patricia Calado, nëse dëshironte të martohej me të.
Bruno kishte 20 tatuazhe në trup kur vendosi të shtonte dhe një tjetër nëpërmjet të cilit do të merrte përgjigjen e partneres. 33-vjeçari gdhendi në kraharorin e tij pyetjen e famshme “A do të martohesh me mua?”, shoqëruar me përgjigjet “Po/Jo”.
Në momentin që po bënte tatuazhin ai shoqërohej nga e dashura e tij, që as ja kishte idenë se çfarë e priste më vonë. Ajo priti për 45 minuta derisa Bruno mbaroi të gjithë punimin që t’i propozonte. Kur ai zbuloi tatuazhin e veçantë, Patricia, nuk u mendua për shumë gjatë që të zgjidhte “Po”-në e përjetshme.
“Isha pak konfuze kur ai erdhi dhe më zbuloi tatuazhin. Mu desh pak kohë ta kuptoja se çfarë ishte. Më pas thjesht qesha dhe i thashë: ‘Ti je i çmendur’. Por sigurisht që zgjodha ‘Po’-në. Jam shumë e lumtur”, është shprehur Patricia.
Propozimet e thjeshta për martesë kanë dalë nga moda, ndaj djema nëse doni një “Po” të sigurt nga partnerja filloni dhe mbani shënim nga këta njerëz kreativ.
