Në Kazakistan gjendet një nga muzetë më unik në botë, që më parë ka shërbyer si baza simbol e programit hapësinor sovjetik. Në këtë muze, që më parë ka shërbyer si kozmodrom, duket se koha është ndalur dhe ai mban të njëjtin emër me qytetin, Baikonur.
Brenda tij ndërtesat më moderne, që janë selia e aktiviteteve të sotme hapësinore alternohen me ndërtesat e epokës sovjetike, disa prej të cilave daojnë që nga mesi i viteve 1950, kur BRSS vendosi të ndërtonte një kozmodrom në një cep të Kazakistanit.
Ajo që është më interesante dhe e veçantë në këtë muze është shtëpia ku kaloi natën e fundit Yuri Gagarin, para se të fluturonte për në hapësirë. Kjo shtëpi është ndër ndërtesat e para që haset në muze dhe është mjaft e vogël e modeste. Ajo ka shumë pak dhoma, është një katëshe, por ka një histori fantastike. Në datat 11-12 prill 1961, Yuri Gagarin kaloi natën e fundit para se të udhëtonte drejt hapësirës së pafund.
Kjo shtëpi është ruajtur me një kujdes maksimal dhe ka mbetur njësoj si më parë. Madje brenda saj, në këmbët e një shtrati ekziston ende unifroma e Yuri Gagarin. Ky kozomodrom vazhdon të jetë një pikë strategjike, pasi prej andej astronauti italian, Luca Parmitano, u nis në hapësirë për një mision.
