Fjolla Morina është surprizuar gjatë mesnatës nga një mashkull misterioz, identitetin e të cilit ajo nuk e ka bërë të ditur. Këngëtarja ka zbuluar se personi në fjalë i ka dhuruar një makinë “Audi Q7”, gjë që e ka emocionuar pafund.
“Hajde për hajër ta gëzosh”, shprehet në video djali që e ka surprizuar, ndërkohë që i kërkon ta ndezë makinën. “Nuk jam gati”, i përgjigjet Fjolla tepër e emocionuar.
Ajo ka treguar në një video dhe postime të tjera në rrjete sociale se mashkulli misterioz i ka blerë dhe një tufë me lule. Këngëtarja nuk ka zbuluar se cili është djali që i dhuroi makinën dhe çfarë lidhje ka me të, ndaj të gjithë kanë mbetur të habitur.
Kohët e fundit Fjolla Morina është treguar shumë e rezervuar për sa i përket jetës së saj private, ndaj pritet të shohim në vijim nëse ajo do të na zbulojë diçka më tepër rreth kësaj dhurate kaq luksoze.
