Bes Kallaku dhe Xhensila Myrtezaj kishin një miqësi të fortë me Eugert Lazajn, biznesmenin që u gjet i vetëvrarë në 30 korrik. Ishte Besi i pari ai që zbuloi përmes një postimi të ndjerë në rrjete sociale se ndante një raport miqësor me të ndjerin.
Ndërkohë sot Xhensila i ka kushtuar disa fjalë shumë prekëse bashkëshortes së Lazajt. Këngëtarja shprehet se e di shumë mirë dhimbjen që ndjen partnerja e biznesmenit të ndjerë dhe se nuk ka folur për të mos i hapur më tepër plagët.
Ajo shton se nuk ka fuqi t’i japë më shumë forcë, por shpreson që ta gjej atë tek dy fëmijët e tyre.
“E dashur motra ime. E di dhimbjen tënde të gjithë këtyre ditëve për humbjen e gjysmës tënde. Gjysmë njeri, gjysmë frymë. Sado afër mundemi të jemi në krahun tënd, prapë ty të mungon krahu yt. Sa shkëlqenit, sa të ndritnin sytë. Deri sa vdekja të na ndajë, kështu thuhet në dashuritë e vërteta dhe kështu ndodh, kështu ndodhi! Nuk kam dashur të të hap plagë e as të kujtoj dhimbjen. Por sot kur ti e kujton, s’mundem të rri pa të ngushëlluar së tepërmi, edhe pse s’kam fuqi të të jap forcë por veç tek Zoti e gjetsh, tek fëmijët tuaj. E fortë qofsh ashtu si dashuria që kishit!”, shkruan Myrtezaj.
https://www.instagram.com/p/CFEVpVmsPbQ/
Pas tragjedisë edhe Bes Kallaku, shpërndau një foto me të ndjerin, duke i dhënë lamtumirën një njeriu mjaft të rëndësishëm në jetën e tij dhe këtë ai e tregoi me fjalët e ndjera që shkroi bashkëngjitur me foton.
