Në 24 orët e fundit nuk është shënuar asnjë rast vdekjeje në Kosovë si pasojë e koronavirusit.
Kjo është hera e parë, që nga data 29 qershor, që brenda 24 orësh nuk vdes asnjë person i infektuar me virusin famëkeq.
Instituti Kombëtar i Shëndetësisë Publike bëri me dije sot se, janë testuar gjithsej 481 mostra të marra nga ShSKUK dhe nga gjurmimi i kontakteve të rasteve në terren, dhe kanë rezultuar 97 raste pozitive.
Brenda 24 orëve nuk janë raportuar raste të vdekjes me SARS CoV-2 pozitiv. Numri total i rasteve pozitive është 14.301 nga 54.924 persona të dyshimtë në virusin SARS-CoV-2 dhe 568 raste të vdekjes.
Gjatë 24 orëve të fundit, janë shëruar 139 pacientë ndërsa numri i përgjithshëm i të shëruarve deri më sot është gjithsej 10.782 raste. Aktualisht raste aktive me Covid në Kosovë numërohen 2.951.
Rastet pozitive janë nga: komuna Prishtinë 27 raste, komuna Gjilan 8 raste, komuna Klinë 8 raste, komuna Pejë 8 raste, komuna Gjakovë 5 raste, komuna Vushtrri 5 raste, komuna Drenas 4 raste, komuna Fushë Kosovë 4 raste, komuna Mitrovicë 4 raste, komuna Obiliq 4 raste, komuna Deçan 2 raste, komuna Kamenicë 2 raste, komuna Lipjan 2 raste, komuna Podujevë 2 raste, komuna Prizren 2 raste, komuna Rahovec 2 raste, komuna Viti 2 raste dhe me nga një rast komunat Ferizaj, Hani i Elezit, Shtime, Skenderaj, Suharekë dhe Zubin Potok.
