Bruce Williamson, 49 vjeç, këngëtari i grupit të njohur The Temptations, ka ndërruar jetë nga koronavirusi.
Këngëtari i muzikës R&B vdiq të dielën në mbrëmje në Mountain View Hospital në Las Vegas, konfirmon menaxherja e tij, Anta Ealy për USA TODAY.
Ai u diagnostikua me COVID-19 në fund të gushtit, thotë Ealy, pak javë pas një ndërhyrjeje në tëmth.
“Nuk ka fjalë në botë që mund të shprehin se si ndihem tani”, shkroi Bruce Alan Williamson Jr, djali i këngëtarit, në një postim prekës të hënën.
“Të dua babi faleminderit që ishe i mrekullueshëm, faleminderit që ishe i dashur, faleminderit që ishe ai që ishe. … Ne do të takohemi përsëri”.
Williamson ishte pjesë e grupit The Temptations për vetëm 10 vjet dhe u largua në vitin 2015.
Ai zëvendësoi G.C. Cameron në grupin e njohur për hitet e dashura të viteve 1960, si “My Girl” dhe “Ain’t Too Kroud to Beg”.
“Ai ishte një djalë i shkëlqyeshëm,” thotë Ealy, “dhe një talent i mrekullueshëm”, i cili performoi në shumë koncerte në Vegas.
