“Portokalli” nis shumë shpejt, por a do të largohen vërtetë Salsano Rrapi dhe Altin Basha?

Prej disa ditësh, në media po përflitet se pas largimit të Xhemi Shehut, edhe Salsano Rrapi dha dorëheqjen nga emisioni i humorit “Portokalli”.

U tha se shkak për këtë u bë përplasja me drejtuesin e televizionit, Ben Blushin, por duket se largimet s’u lanë me kaq.

Lexo edhe :

Këto janë gjashtë çiftet më të përputhshme të shenjave të zodiakut

18:35 17/05/26

Studentët shqiptarë në Maqedoninë e Veriut protestojnë për gjuhën shqipe, i mbështet edhe Bebe Rexha

18:06 17/05/26

Pas Salsanos, në rrjet qarkulloi lajmi se edhe Altin Basha po hiqte dorë pas 17 vitesh punë në “Top Channel”.

Ndërkohë që “Portokalli” pritet të nisë në muajin tetor, këto lajme ende nuk janë konfirmuar nga personat në fjalë.

E gjithë situata është në pikëpyetje, ndërsa burime për “Revista Who” kanë treguar se gjatë mbledhjeve të “Portokalli” ditët e fundit kanë qenë të pranishëm edhe Salsano Rrapi dhe Altin Basha, duke thënë se lajmet e largimit s’janë të vërteta.

Megjithatë, mbetet të presim një njoftim zyrtar prej protagonistëve, për të vërtetuar apo mohuar lajmet që po qarkullojnë prej disa kohësh në rrjet.