Të gjithë prisnin me entuziazëm dje në Prishtinë koncertin e këngëtares me origjinë nga Kosova, që nisi karrierën në Angli, Dua Lipa. Zhanrin e muzikës që ajo bën e cilëson “pop i errët”, por nëse të gjithë kishin në mendje atë vajzën e shkathët dhe energjike që kemi parë në videoklipet e saj.
Ndërsa rreth 17 mijë njerëz u mblodhën në Parkun Kombëtar të Gërmisë për të ndjekur këngëtaren. Por ndoshta Dua Lipa ishte e mbërthyer nga emocionet e atdhetarisë, ndërsa performonte për herë të parë në vendlindjen e saj.
Dua Lipa u ngjit në skenë me një ecje të ngadaltë dhe e nisi koncertin me një këngë të cilën pothuajse askush s’ia dinte tekstin, “Blow Your Mind”. Pavarësisht kësaj të gjithë të pranishmit ishin entuziast, ndërsa filmonin me telefon performancën e saj.
Ndërsa 21-vjeçarja këndoi më pas këngët “Be the One” dhe “Hotter than Hell”, të cilat janë ato që njihen nga Dua Lipa. Por ndryshe nga performanca e saj në Angli në Eurosonic në shkurt të 2016-s, Dua Lipa duket më energjike. Gjithsesi, koncerti arriti pjesën kulminante kur në skenë u ngjit babai i saj, Dukagjin Lipa.
