Gazetarja e njohur, Mirela Milori, është një tjetër figurë e njohur e ekranit të ABC News që ka shkëputur marrëdhëniet me televizionin krejt papritur.
Lamin e ka bërë me dije vetë gazetarja me anë të një postimi në rrjetet sociale, ku ka njoftuar shkëputjen nga ky televizion, vitet e punës tek i cili kanë qenë me shumë vlerë sipas saj.
Në postim Milori shkruan se ftesa për kafe mbetet e hapur:
“Miq! Në vazhdim të interesimit tuaj, po ju konfirmoj që jam larguar nga ABC News. Vitet e punës në këtë ekran, do të mbeten të çmuara dhe me shumë vlerë në karrierën time! Faleminderit të gjithë bashkëpunëtorëve të mi në këtë televizion, ftesa për kafe mbetet e hapur! Miqësisht M”, shkruan Milori.
Kujtojmë që një ditën e djeshme njoftoi largimin e saj gazetarja Juli Xhokaxhi, së cilës iu mbyll krejt papritur emisioni “Byro Politike”.
Këto lëvizje në ekranin e Abc Neës kanë qenë të papritura, dhe në vijimësi të ndryshimeve të mëdha që po bëhen në këtë telelvizion.
Dy ditë më parë u raportua se pjesë e këtij ekrani do të jetë edhe gazetari Baton Haxhiu. Ky i fundit do të bëjë një emision politik, që do të transmetohet çdo të enjte në orën 21:00, duke konkurruar ballë për ballë me mikun e tij Blendi Fevziu.
