Rreth dy muaj më parë qeveria miratoi një akt normativ, sipas së cilit ndalohet muzika në bare e restorante pas orës 20:00 për shkak të pandemisë së Covid-19. Po ashtu, janë ndaluar në mënyrë kategorike edhe organizimet e dasmave.
Sipas dokumenteve po… Sepse në realitet po ndodh e kundërta!
Një rast i tillë është dononcuar mbrëmjen e sotme nga moderatorja Bora Zemani, e cila nëpërmjet disa Instastory-ve ka treguar se në lagjen e saj po organizohet një dasmë dhe muzika dëgjohet me zë të lartë.
Duke u bazuar në kushtet në të cilat ndodhemi, moderatorja e njohur ironizon dasmat në këto kohë, duke thënë se edhe muzika vendoset me shkëputje prej Covid-19.
Padyshim diçka e tillë nuk do ndodhte nëse Policia e Shtetit s’do ishte selektive, sikundër kemi parë dhe denoncuar këto javë.
Qeveria vijon të godasë biznesin e vogël me aksionin e saj duke vendosur gjoba selektive nga njëra anë e duke mbyllur sytë ndaj peshqve të mëdhenj në bregdet.(lexo këtu)
Aksioni i gjobave është shtrirë nga Tirana në Durrës, ndërsa sa i përket jugut, autoritetet duket sikur bizneseve atje u kanë lënë dorë të lirë.
“Iconstyle.al” ka raportuar gjithmonë me pamje rastet kur resorte të mëdha vijojnë të pashqetësuar muzikën pas mesnate nën hundën policisë, si rasti te Mali i Robit i pak ditëve më parë (shiko këtu).
