Sikundër bëmë me dije më herët ditën e sotme moderatorja Luana Vjollca feston ditëlindjen e saj të 29-të.
Pak pas mesnate, Luana u shfaq e veshur me pizhama dhe pa grim, në festën surprizë dhe e mbajtur sekret në shtëpinë e saj.
Tullumbace rozë, një tortë me një kukull bjonde që supozohet të jetë Luana duke bërë foto, shampanjë dhe lule pa fund shohim në fotot e publikuara nga moderatorja, e cila ka marrë me qindra urime.
Mirëpo duket se për ditëlindjen e saj Luana ka menduar një surprizë për ne.
Ajo ka ndarë pak më parë në Instagram intervistën ekskluzive që ka dhënë për “USA Big Magazine”.
Për ditëlindjen time, jam shumë e emocionuar të ndajë me ju kopertinën dhe intervistën ekskluzive për USA Big Magazine @stylecruze
Në intervistë Luana shprehet se çdo gjë e ka arritur falë punës dhe se është shumë e dhënë pas asaj që bën.
Më tej në intervistë bukuroshja shqiptare shprehet se dobësia e saj më e madhe është perfeksioni, do të bëjë çdo gjë sa më mirë të jetë e mundur edhe pse është e vetëdijshme se ‘perfektja’ nuk ekziston.
Si dobësinë e saj më të madhe 29-vjeçarja përmend të ëmën, por pa harruar motrat dhe mbesat.
Edhe në fund thënia e preferuar dhe që përshkruan më mirë Luanën:
Jeta ime është histori e përpjekjeve që kam bërë për të qëndruar me këmbë në tokë, teksa sytë i mbaj nga qielli.
