Neymar, Maluma dhe Natalia janë kthyer sërish në qendër të vëmendjes.
Disa ditë më parë, një veprim i futbollistit brazilian është interpretuar nga mediat si tallje ndaj ish-it të të dashurës së tij Natalia Barulich.
I rrethuar nga shokët e skuadrës së Paris Saint-Germain, të hipnotizuar nga fitorja e tyre ndaj Leipzig, Neymar është shfaqur duke kënduar këngën e Malumës, Hawai.
26 vjeçari së fundmi publikoi një këngë me titull “Hawai” për të cilën raportohet se i dedikohet ndarjes së tij nga Natalia.
Por si duket Neymar dhe shokët e tij janë tallur me të. Videoja është postuar nga Angel Di Maria, dhe në të janë edhe Neymar dhe disa nga djemtë e tjerë të skuadrës, duke përfshirë Ander Herrera dhe Mauro Icardi që këndojnë së bashku, duke u përpjekur të mbajnë të qeshurën e tyre.
Mirëpo, Maluma nuk e sheh aspak si tallje këtë veprim të brazilianit.
Përmes një reagimi në një video live në Instagram këngëtari bukurosh ka thënë se nuk është në dijeni të lidhjes së Neymar me Natalian dhe secili mund të bëjë ç’të dojë me jetën e tij.
Teksa thotë se është një njeri shumë paqësor, Maluma falenderon çunat e PSG për mbështetjen që kanë treguar duke dëgjuar këngën e tij.
Mos u gënjeni, s’ka ndodhur asgjë. Nuk e di nëse janë bashkë, as nuk më intereson pasi secili zgjedh vetë për jetën e tij. Nëse janë në një lidhje, shumë mirë. Të gjithëve na duhet dashuri në jetë. Nuk kam asnjë problem me të, i jam mirënjohës që ai dhe e gjithë skuadra e PSG dëgjoi këngën time pas lojës. Nuk i uroj askujt të keqen dhe nuk e lodh veten me këto gjëra. Nuk kam asgjë kundër Neymar dhe nuk më pëlqejnë problemet. Jam një djalë shumë paqësor. Nuk më pëlqen drama e të dërguarit mesazhe të fshehura në rrjete sociale. Në Kolumbi rritemi me atë ide që kur kemi një problem, të përballemi me të pa frikë. Neymar i uroj suksese.
Për më tepër kolumbiani ka parë edhe finalen e Champions League që u mbajt mbrëmjen e djeshme në Lisbonë mes Bayern Munich dhe Paris Saint Germain, skuadër për të cilën luan Neymar.
UCL u fitua nga skuadra gjermane dhe fatkeqësisht 23 gushti do mbahet mend gjatë si një natë pa fat për futbollistin brazilian.
Kënga, si dhe videoja e saj, duket se hedhin dritë mbi ndjenjat e Malumas pas ndarjes. Në këngë kolumbiani shprehet se “ajo” i poston fotot në Instagram vetëm për ta bërë xheloz dhe nëse ai do ta telefononte ajo do të rikthehej me të menjëherë.
Natalia dhe Neymar u shfaqën në kopertinën e GQ Rusi së bashku në maj, pasi konfirmuan lidhjen e tyre në shkurt.
Maluma dhe Natalia Barulich kanë pasur një marrëdhënie 2-vjeçare dhe shumë të diskutuar në media, por ata i dhanë fund lidhjes në tetor dhe sipas Natalia-s, arsyeja ishte sepse dëshironin të përqëndroheshin më shumë te karriera dhe te vetja e saj.
