Një ngjarje e rëndë raportohet në Tiranë, ku një foshnjë është gjetur e pajetë në një kazan plehrash, afër lagjes të njohur si “Ali Demi”.
Ka qenë një qytetar që ka njoftuar policinë, se në një kazan plehrash, është hedhur një foshnjë pa jetë, i seksit mashkull.
Menjëherë në vendngjarje kanë arritur ambulanca dhe shërbimet e tjera ambulante.
Foshnja i pajetë u dërgua për në morg, për kryerjen e veprimeve të mëtejshme hetimore.
Nuk dihet se kur bebi i vogël ka lindur, ndërsa ishte mbyllur në një kuti të kartonit.
Policia në njoftim shprehet se po punohet për zbardhjen e ngjarjes, si dhe po punohet në drejtim të gjetjes së autorit/ autores së hedhjes së bebit në kazan.
Njoftimi i policisë:
Në lagjen “Ali Demi”, mbrapa ish-markatës së vjetër, në koshin e mbeturinave është gjetur pa shenja jete një foshnje i gjinisë mashkullore
Grupi hetimor dhe shërbimet e Policisë ndodhen në vendngjarje dhe vijojnë punën për zbardhjen e plotë të rrethanave të ngjarjes, identifikimin dhe shoqërimin e shtetasit/es që ka hedhur në kosh foshnjën.
/Gazetareforma.com
