Gjërat do të bëhen akoma më të çmendura në shtëpinë e Chrissy Teigen dhe John Legend, pasi një burim i afërt me çiftin konfirmoi për CNN të enjten se ata po presin fëmijën e tyre të tretë.
Legend dhe Teigen janë tashmë prindër të vajzës, Luna, 4 vjeç dhe djalit, Miles, 2.
Spekulimet filluan pasi familja u shfaq së bashku në videoklipin për këngën e re të Legend dhe Gary Clark Jr, “Wild”. Këngëtari shihej duke përqafuar gruan e tij nga pas, teksa ajo përkëdhel barkun.
Modelja dhe këngëtari u takuan në grupin e xhirimeve të një prej videove të tij muzikore në vitin 2006. Ata qëndruan të lidhur për disa vite para se të martoheshin në Itali në vitin 2013.
Të dy janë të njohur për faktin se janë një nga çiftet më të dashur në mediat sociale.
Teigen së fundi ka folur për revistën Glamour në lidhje me depresionin pas lindjes që ajo përjetoi pasi lindi vajzën Luna.
“Ishte një eksperiencë e trishtë. Ju i dëgjoni këto histori të tmerrshme të njerëzve që nuk duan t’i shohin fëmijët si të tyret, ose që dëshirojnë t’i lëndojnë ata, dhe unë kurrë nuk u ndjeva në atë mënyrë. Kjo është arsyeja pse unë pushova, pasi e urreja veten time dhe jo fëmijën tim.”
Çifti nuk e ka konfirmuar ende shtatzëninë, por burime kanë zbuluar për “People” se modelja me të vërtetë po pret fëmijën e saj të tretë.
Chrissy nuk iu drejtua spekulimeve të shtatzënisë, megjithëse bëri një postim me një emoji me fytyrë të buzëqeshur ndërsa u publikua videoja, duke bërë që fansat ta urojnë për lajmin e bukur.
