Erik Lloshi ka kritikuar këngët më të fundit të tregut shqiptar, që sipas të cilit kanë nevojë për censurim, pasi janë banale.
Këngëtari ka folur në emisionin Edicioni Veror ku ka treguar se është kritik i vetes dhe në makinë nuk dëgjon kurrë këngët e tij. Mes të tjerash ai tha për gazetaren Irini Meçe, se duhet filter për disa tekste banale.
“Unë jam shumë kritik i vetes dhe në makinën time nuk ka asnjë këngë timen. Unë dëgjoj muzikë orkestrale. Kohët e fundit kanë dalë shumë artistë, që nuk di se çfarë po bëjnë. Nuk po them se janë pa vlera por nuk besoj se është ajo që duhet. Besoj se duhet të ketë censurim. Ka disa pjesë në këngët e disa personave që duan censurim. Edhe në botë ka raste, por nuk merren me drogën, por përcjellin mesazh. Përdoren fjalë banale dhe kjo më çudit”, shprehet Erik Lloshi.
Lidhur me planet e prishura nga koronavirusi, Lloshi tha se pandemia i ka anuluar shumë dasma dhe koncerte duke lënë pa punë rreth 20 persona që punojnë me të.
“Kisha shumë koncerte dhe shumë dasma dhe shumë njerëz të tjerë, mbi 20 veta që punojnë me mua që kanë ngelur pa punë. Por përpara është shëndeti”, thotë ai.
/abcnews.al
