Alyssa Milano zbuloi në Twitter të dielën se po i bien flokët pasi rezultoi pozitive në testin për Covid-19.
Aktorja ka luftuar me virusin që nga muaji mars, kur tha se filloi të përjetonte ethe dhe dhimbje koke.
“Ju lutemi merreni seriozisht këtë. Unë thjesht kam dashur t’ju tregoj sasinë e flokëve që po më bien nga koka si rezultat i Covid”, tha Milano në video.
https://www.instagram.com/p/CDroDxYAdzx/
Duke mbajtur në dorë një grumbull të madh flokësh para kamerës ajo shtoi, “Një krehje, kjo është humbja e flokëve nga Covid-19. Vendoseni atë dreq maske”.
Milano ka muaj që vuan me disa simptoma dhe ka reaguar vazhdimisht në Instagram për të ndërgjegjësuar ndjekësit:
“Unë kurrë nuk kam qenë kaq e sëmurë. Gjithçka është dëmtuar. Nuhatja. Ndihesha sikur një elefant ishte ulur në gjoksin tim. Unë nuk mund të merrja frymë. Nuk mund ta kaloja ushqimin. Kam humbur 9 kile në 2 javë.
“Unë në thelb kisha çdo simptomë të Covid”, shkruante Milano, duke shtuar se megjithëse kishte dalë dy herë negative për virusin, ajo i ka pasur të gjitha simptomat.
https://www.instagram.com/p/CDhQ43NgP02/?utm_source=ig_embed
Së fundmi dhe një studim i publikuar nga CDC (Qendra për Kontrollin dhe Parandalimin e Sëmundjeve), bëri me dije se COVID-19 ndikon në rënien e flokëve. Sipas tyre rreth 26% të personave që kanë përjetuar simptoma afatgjata të koronavirust, kanë treguar se kanë përjetuar rënie flokësh.
/CNN
