Mbi 110 të vdekur, më shumë se 4000 të plagosur dhe rreth 3 miliardë dollarë dëme materiale. Ky është bilanci tragjik i shpërthimit të djeshëm në portin e Bejrutit, i cili shokoi të gjithë botën.
https://www.instagram.com/p/CDeblaQA5-e/
Nga të dhënat paraprake, bëhet fjalë për një shpërthim të shkaktuar nga 2 750 ton nitrat amoni të vendosur një njërën prej depove të portit të Bejrutit 6 vite më parë pasi ishte konfiskuar, dhe e cila ishte në pronësi të biznesmenit rus, Igor Grechushkin.
Ministri i Brendshëm i Libanit, Mohamed Fahmi, i tha një stacioni televiziv lokal se kimikatet ishin ruajtur në depo, pa masa sigurie. Anija “MV Rhosus” ishte konfiskuar nga autoritetet libaneze, me urdhër nga inspektorët lokalë në Bejrut, pasi ajo kishte hyrë në port, për shkak të problemeve teknike.
Associated Press ka raportuar se MV Rhosus po transportonte nitrat amoniumi nga porti i Gjeorgjisë në Detin e Zi në Mozambik dhe rrugës kishte pasur probleme teknike që e detyruan atë të ndalet në Bejrut. Raportimet e mediave në Rusi dhe Moldavi më 5 gusht thanë se MV Rhosus mbante flamurin e Moldavisë kur mbërriti në Bejrut.
Shpërthimi vjen në një kohë të vështirë për Libanin. Vendi po përballet me një krizë ekonomike, pandeminë e koronavirusit dhe demostrata masive kundër varfërisë. Tensionet janë gjithashtu të larta pasi të premten, një gjykatë e Kombeve të Bashkuara, pritet të nxjerrë aktgjykimin e saj ndaj katër të dyshuarve për vrasjen e ish-kryeministrit, Rafik Hariri që u vra në vitin 2005.
Hetimet kanë zbuluar se specialistët e portit i kanë kërkuar autoriteteve që ta heqin sasinë kolosale të nitratit nga ajo zonë pasi kjo lëndë njihet si mjaft shpërthyese dhe nëse kjo do të ndodhte, “do të shkatërronte qytetin”.
Kjo është ajo që shkruhej në raportin e tyre dhe duket se “profecia” është përmbushur. /abcnews.al
https://www.instagram.com/p/CDezO0-guxd/
https://www.instagram.com/p/CDgH3Tfg-fX/
