Kim Kardashian dhe Kanye West po kalojnë periudhën më të vështirë të jetës së tyre.
Gjithçka nisi pas fjalimit të reperit teksa shpalli kandidaturën për president të Shteteve të Bashkuara të Amerikës.
Ai foli për abortin që kishin dëshiruar të bënin me vajzën e tyre të parë, North, si dhe shumë çështje të tjera delikate.
Ndër të tjera, Kanye la të kuptohet se ishte mamaja e Kim, Kriss Jenner, ajo që kishte publikuar videon e seksit të së bijës.
Pas këtyre lajmeve, çifti u takua më herët këtë javë në Cody, ku Kim u pa tek qante në makinë, bëri xhiron e rrjetit e vijon ende të ngjallë polemika, teksa fillimisht u bë me dije se Kim i ka kërkuar të shoqit që të trajtohet për bipolaritetin. (Lexo këtu)
Po ashtu, ditën e djeshme mediat prestigjioze ndërkombëtare shkruanin se Kim po kalon një periudhë shumë të vështirë dhe se në fakt ata kanë filluar të jetojnë të ndarë para se çështja të bëhej publike. Po ashtu, thuhej se ajo fluturontre drejt tij vetëm kur shoqëronte fëmijët për të takuar reperin.(Lexo këtu)
Madje, në mediat e huaja shkruhet se situata mes tyre po shkon drejt divorcit dhe dyshja nuk e ka të gjatë.
Për herë të parë pas një jave “pushim” nga Twitter, Kanye ka reaguar me disa statuse në Twitter.
“Unë qava për faktin që mendova të abortoj fëmijën tim dhe të gjithë u shqetësuat për mua. Jam i shqetësuar për botën që mendon se nuk duhet qarë për këtë gjë.”
Më tej, reperi shkroi:
“Është një taktikë: Shmang, Hiq mendjen, Zhverëso dhe Shkatërrohu.
Jam mirë. Mendo për një sekond se çfarë po projektohet këtu.”
Nuk e dimë nëse kjo deklaratë lidhet me lajmet e divorcit, mirëpo diçka është e sigurt!
Gjërat mes Kanye-s dhe Kim-it s’po shkojnë aspak mirë dhe reperi po përpiqet të japë mesazhe të koduara për fansat e tij.
Të ketë ardhur vërtetë momenti i ndarjes?
