Luana Vjollca erdhi me surpriza këtë verë, pasi po sjell një bashkëpunim me artistin e famshëm latin, Jay Santos.
Xhirimet e klipit kanë përfunduar dhe moderatorja mori vëmendjen e të gjithëve me pozat në Instagram, ku shkëlqente e veshur me të kuqe si në klip.
Thuajse gjithçka është gati dhe fansat po presin ta dëgjojnë sa më parë këtë projekt veror, mirëpo ka një problem të vogël!
Luanës i pëlqejnë shumë të gjitha pjesët e xhiruara dhe s’di cilën të përfshijë në këngë e cilën ta heqë, siç ka treguar vetë më herët.
Ndaj, montimi i videoklipit po vonon pak më gjatë sesa ishte menduar.
Në një postim në InstaStory, Luana i ka treguar fansave se ka probleme me vonesën gjatë montimit, por premton se pritja do t’ia vlejë.
“Më duket se edhe një film 3 orësh do e kishim montuar më shpejt se këtë klipin 3 minutësh. Por ja vlen pritja!”- shkruan moderatorja krahas postimit, duke na bërë ende më shumë kuriozë për këngën e re.
