Jeni duke menduar ndonjë vend luksoz? Plazh? Palma? Epo e keni gabim. Sasha Obama, vajza e Barak Obamës, po punon në restorantin “Nancy’s” në Martha’s Vineyard të Massachusettsit.
Gjatë kësaj jave, 15-vjeçarja është trajnuar sesi të punojë me pajisjen e kasës fiskale, se si të vendosë në rregull dhe në pritje të klientëve tavolinat ku shërbehet ushqimi, apo sesi ta lërë gjithçka gati në restorant kur shkëputet për pushimin e drekës.
Në fotot e publikuara, Sasha shfaqet e veshur me një bluzë blu dhe kapele. Adoleshentja është e shoqëruar gjatë periudhës së punës nga 6 agjentë të Shërbimeve Sekrete, të cilët prisnin jashtë kabinës së restorantit, në stolat e vendosura përreth, teksa ajo punon.
Ndryshe nga fëmijët e pasur që pozojnë me makina dhe bizhuteri të shtrenjta, vajza e njeriut më të rëndësishëm të botës punon në një restorant edhe pse nuk i mungon asgjë.
