Në fillim të muajit qershor, moderatorja Klea Huta dhe producenti Elgit Doda u bënë prindër për herë të parë të një djali të cilin dyshja e pagëzoi me emrin e veçantë Krid.
Bebushi është kthyer në kryefjalën e ditës së çiftit dhe Klea ka treguar se është bërë tashmë një mama “e fiksuar”, që s’e lë në asnjë moment vetëm birin e saj.
Moderatorja ndihet në kulmin e lumturisë dhe ka treguar se jeta për të sapo ka filluar!
Duhet ta pranojmë se përtej asaj që reklamon çdo nënë në rrjetet sociale, prindërimi është një detyrë e vështirë që kërkon kohë, përkushtim e shpesh mund.
Këtë na e ka ilustruar më së miri Klea ditën e sotme, duke shpërndarë dy foto në Instagram ku tregon se çfarë ndan me ndjekësit në rrjetet sociale dhe çfarë fshihet pas fotos.
Respektivisht, në foton e parë shihet moderatorja duke buzëqeshur dhe Kridi në makinë, kurse te fotoja e dytë shihen të dy në makinë, ku Klea është duke e ushqyer të voglin.
Përpos të gjithave duhet ta pranojmë se fotoja e dytë na pëlqeu më shumë.
