Shpesh herë jeta merr drejtime që nuk i kishim planifikuar e jo çdo gjë shkon si duhet.
Një periudhë të tillë duket ta ketë kaluar edhe moderatorja e njohur Viola Spiro, e cila pak kohë më parë u vendos në qendër të vëmendjes pas lidhjes me ish-të dashurin e saj, Valentin Selaj.
Ndonëse lidhja e tyre kaloi nëpër shumë vështirësi, ata u ndan në fillim të 2019, viti ky që do shkaktonte goxha ndryshime në jetën e Violës.
Madje ajo deklaroi kohë më parë gjatë një interviste se po mendonte ta braktiste Shqipërinë e të niste jetë të re, pikërisht aty ku ishin vendosur prej disa kohësh prindërit e saj, në Shtetet e Bashkuara të Amerikës.
Megjithatë, diçka e mbajti këtu Violën dhe sipas mediave është një lidhje e re që trokiti krejt papritur.
Sipas asaj që thuhet lart e poshtë bukuroshja është në një lidhje me një emër të njohur në fushën e biznesit të gazit në Shqipëri.
Së fundmi, “Gazeta Panorama” ka siguruar disa foto të bukuroshes bionde nga pushimet e saj, ku Viola duket se ka shtuar pak në peshë, por kilogramët e tepërt i japin edhe më shumë hijeshi.
Vetë ajo ka qenë e rezervuar me postimin e fotove në rrjetet sociale, pasi sikundër ka deklaruar edhe në një intervistë, nuk do postojë më foto me bikini, apo të ekspozuara sepse do të qëndrojë larg së etiketuari vetëm si vajza seksi.
https://www.instagram.com/p/CCyi-H6DdHJ/?utm_source=ig_web_copy_link
https://www.instagram.com/p/CCIwgNmDQRs/?utm_source=ig_web_copy_link
