Ish-kryeministri britanik Tony Blair ka mbërritur në Shqipëri për pushime. Mediat shkruajnë se ai ka zbritur me helikopter në Dhërmi, për të pushuar në bregdetin shqiptar.
Deri më tani s’ka njoftim zyrtar për vizitën e Blair në Shqipëri, por mendohet se ai do të qëndrojë në jug të vendit për pak ditë, aty ku ndodhet edhe kryeministri shqiptar Edi Rama, i cili po pushon me familjen.
Dy miqtë e vjetër prej kohësh, janë takuar që prej mbërritjes së Blair në Shqipëri, ndërsa sot Rama ka postuar foton e parë me Blair në profilin e tij në “Facebook”, duke e cilësuar si “foton e ditës”.
Të dy shfaqen të veshur shumë sportivë dhe të qeshur, ndërsa presin t’ju serviret dreka me një gotë verë të bardhë para.
