Kris Jenner ka thyer heshtjen për herë të parë në mediat sociale pas dramës që shkaktuan postimet e njëpasnjëshme të dhëndrit të saj Kanye West, i cili e quajti atë Kris Jong-Un.
Por 64-vjeçarja e ka injoruar totalisht Kanye-n, duke publikuar në Instagram të mërkurën në mbrëmje, një klip të shkurtër për të treguar disa ëmbëlsira të shijshme që kishte marrë nga një pastiçeri në Los Angeles, shumë afër vendit ku jeton në Calabasas.
Kris është treguar shumë e qetë pasi Kanye e sulmoi keq në fillim të kësaj jave me fjalimin e tij të çuditshëm Presidencial dhe postimet të Twitter, ku e fajësonte vjehrrën se qëndron pas shitjes së videos së seksit të vajzës së saj, apo pas pozimit të Kim për PlayBoy.
Kanye shkruante se ka bërë të pamundurën që “nënës së North-it (Kim Kardashian) të mos i duhet të shesë videon e seksit të së bijës”.
Ky reagim i ftohtë i Kris, vjen direkt pasi Kim Kardashian mbroi publikisht bashkëshortin e saj dhe mendjen e tij briliante, që po vuan nga çrregullimi bipolar.
Ajo kërkoi mirëkuptim, ndërsa tregoi vështirësitë që ka kaluar gjatë kësaj periudhe, por që ka heshtur për hir të fëmijëve të tyre minorenë.
Kim shkroi: “Siç e dini shumë prej jush, Kanye ka çrregullime bipolare. Kushdo që e ka këtë problem ose njeh persona në jetën e tyre e di se është tepër e ndërlikuar dhe e dhimbshme të kuptohet. Asnjëherë nuk kam folur publikisht se si kjo ka ndikuar tek ne, në shtëpi sepse unë kam dashur të mbrojë fëmijët mi dhe të drejtën e Kanye për privatësi kur bëhet fjalë për shëndetin e tij. Por sot, më duket sikur duhet ta komentoj për shkak të thashethemeve dhe konceptimeve të gabuara në lidhje me shëndetin mendor. Ata që e kuptojnë sëmundjen mendore apo edhe sjelljen e detyrueshme e dinë që familja është e pafuqishme ndaj personit me probleme, përveç nëse personi është i mitur. Personat që nuk janë në dijeni mund të jenë gjykues. Njerëzit të cilët nuk janë të vetëdijshë mund të jenë gjykues dhe të mos e kuptojnë që vetë individi duhet të angazhohet në procesin e marrjes së ndihmës, pavarësisht se sa shumë përpiqen familja dhe miqtë. E kuptoj që Kanye është subjekt i kritikave sepse ai është një personazh publik dhe se veprimet ndonjëherë mund të shkaktojnë mendime dhe emocione të forta. Ai është një person i shkëlqyer, por i ndërlikuar që në krye të presioneve të të qenit artist dhe një njeri i zi, i cili përjetoi humbjen e nënës së tij, dhe duhet të merret me presionin dhe izolimin që theksohet nga çrregullimi i tij bipolar. Ata që janë afër me Kanye e dinë zemrën e tij dhe i kuptojnë fjalët e tij që disa herë nuk përputhen me qëllimet e tij.”
