Të gjithë u surprizuam kur më 2 qershor rinisi “Procesi sportiv” dhe aty nuk pamë Ilda Bejlerin. Pas pandemisë, Ilda mungoi dhe krah Manushit u shfaqën vetëm Alesia Bamin dhe analistët historikë të emisionit.
Nuk dimë të themi se çfarë ndodhi me siguri, por moderatorja ende nuk e ka sqaruar se çfarë fshihet pas largimit të papritur.
Fillimisht ishin fotot me Ardit Gjebrean, që nxitën dyshimet se prezantuesja tashmë kishte ndryshuar logo, por në fakt këto rezultuan thjesht thashetheme dhe prania e saj në korridoret e Tv Klan lidhej me sfilatën e Joni Peçit.
Megjithatë, duket se Ilda e ka shkëputur kontratën dhe tashmë është në tratativa për të qenë në një tjetër kanal, “ABC News” , që mund të jetë destinacioni i ri i saj, sipas “Gazeta Shqiptare”. Nuk ka ende detaje se çfarë projekti mund të sjellë moderatorja dhe për këtë duhet të presim shtatorin, kur nis edhe sezoni i ri televiziv.
Aktualisht, bukuroshja vijon jetën e saj si ‘biznesmwomen’, pasi pak kohë më parë ka hapur dhe një qendër SPA.
https://www.instagram.com/p/CAkxajyDQ9E/?igshid=1ufkxk9am7sc3
Kujtojmë që vetëm pak ditë më parë u raportua se edhe Xhemi Shehu ka firmosur dorëheqjen nga “Top Channel” dhe mesa duket sezoni i ardhshëm pritet të ketë ndryshime në produksionet që do të jepen.(Lexo këtu)
