Teksa presidenti i Kosovës ndodhet në Prokurorinë Speciale të Hagës ku po merret në pyetje për aktakuzat e ngritura ndaj tij për krime lufte për të katërtën ditë radhazi, disa foto ku shihen shqiptarë të Kosovës të vrarë në mënyrë mizore gjatë luftës po bëjnë xhiron e rrjetit.
Këto foto janë të publikuara nga një faqe në Facebook me emrin “UÇK-Djepi i lirisë”, e menjëherë pas publikimit janë bërë virale në rrjet por nuk dihet nga kush janë publikuar fillimisht.
18+Foto që bëhen publike për herë të parë. Pra Serbet janë atë që bënë krime në Kosovë. Zgjohu o shtet mos flej.”, shkruhet sipër fotove me pamje të rënda.
Për 4 ditë rresht Presidenti Thaçi është intervistuar nga 6 orë, teksa të martën dhe të mërkurën, zgjodhi edhe të mos prononcohej për mediat. Thaçi, nuk ka pranuar të heqë dorë nga posti i tij dhe ka shkuar në Hagë si presidenti i vendit. Ai ka deklaruar se do të japë dorëheqje nga posti i presidentit, nëse aktakuza kundër tij konfirmohet.
