Disa muaj më parë, këngëtarja Katy Perry ndau me fansat lajmin e bukur se do të bëhet nënë së shpejti.
Ajo dhe partneri, Orlando Bloom, janë në pritje të një vajze, gjininë e së cilës e zbuluan në mënyrën më të bukur.
Këngëtarja ndau një foto të Bloom të lyer në fytyrë me tortë në ngjyrë rozë, duke lënë të kuptohet se një vajzë është rrugës.
Në Instagram nuk kanë munguar pozat e 35-vjeçares me barkun e rrumbullakosur, mirëpo fotot e fundit tregojnë mjaft qartë ndryshimin e këngëtares për shkak të shtatzënisë.
Përmasat e Katy-t duket se janë rritur goxha shumë dhe tashmë që është në ditët e fundit të pritjes së ëmbël barku i rrumbullakosur bie shumë në sy.
Perry është fotografuar teksa shijonte një ditë në plazh, e veshur me një kostum banjoje ngjyrë lejla dhe të gjithëve na shkuan sytë tek barku i saj i rritur., ndërsa fotot mund t’i shihni më poshtë:
Më herët, Perry mori vëmendjen e rrjetit me foton e ekos së bebushes, e cila dukej se i kishte ngritur gishtin e mesit duke i shkrirë të gjithë së qeshuri.
“Kur vajza jote e palindur të nxjerr gishtin e mesëm nga barku. Gëzuar Ditën e Nënës për mua”- shkruante këngëtarja me humor.
