Rreth një muaj më parë këngëtarja Olta Boka pushtoi mediat jo me një lajm, por me dy. Përveçse konfirmoi lidhjen e saj me Iv Rrokaj ajo po ashtu na tregoi edhe se ishte në pritje të ëmbël.
Gjithmonë hermetike sa i takon jetës personale, Olta ditët e fundit të shtatzënisë nuk na i kurseu disa foto e momente mjaft të bukura.
Duket se bebushi po mirëpritej me krahapur dhe këngëtarja po e shijonte në maksimum, eksperiencën më të bukur për një grua.
Pak nga pak pritjes së ëmbël i erdhi fundit dhe ditën e sotme Olta Boka dhe Ivi Rrokaj janë bërë prindër për herë të parë!
Këngëtarja ka sjellë në jetë një vajzë që e kanë pagëzuar me emrin e veçantë Gaia, teksa ka ndarë edhe një foto tejet të bukur nga materniteti me ndjekësit e saj në Instagram.
E ajo që na tërhoqi vëmendje është padyshim emri i veçantë që çifti ka zgjedhur për të voglën, duke na bërë të gjithve të mendojmë se çfarë kuptimi ka.
Origjina e emrit Gaia vjen nga mitologjia greke dhe mban kuptimin “nëna e Tokës”. Nga greqishja γαια (gaia), është një formë paralele e kuptimit “tokë”. Gaia quhej në mitologjinë greke Perëndesha e Tokës.
Gaia është kreative, miqësore, fatlume, e gëzuar, me temperament, bujare, aktive, e vëmendshme, serioze, moderne, e gjallë.
Epo edhe ne urojmë shumë që të gjitha këto karakteristika t’i gëzojë edhe Gaia e vogël kur të rritet.
