Që është një futbollist i shkëlqyer këtë e dimë të gjithë, veçanërisht pas performancës në Euro 2016, ku realizoi golin më të bukur të kampionatit.
Por që ai është një valltar i përkryer, me siguri nuk e dinit. Xherdan Shaqiri ishte i pranishëm në dasmën e berberit të tij personal, Fitni Abdulovski (i njohur si Pepedeluxe), që është mbajtur në Dibër.
Mesfushori shqiptar ka lënë anash stërvitjet me Stoke Cityn, për të shijuar atmosferën në dasmën e mikut të tij.
Ka qenë këngëtari Valton Krasniqi që është kujdesur për të filmuar momentin, ndërsa ka publikuar edhe videon në “Facebook”, ku Xherdani shfaqet duke e udhëhequr vallen.
