Në fund të muajit prill, dyshja e njohur Scott Disick dhe Sofia Richie i dhanë fund lidhjes së tyre të gjatë të dashurisë.
Zërat qarkullonin prej disa javësh, mirëpo ndarja e tyre u konfirmua në muajin maj nga burime të afërta pranë dyshes.
Mësohet se ishte Sofia ajo që e ka kërkuar ndarjen, duke parë gjendjen e rënduar emocionale të partnerit të saj.
Duke qenë se kohët e fundit ai nuk po shfaqej i qëndrueshëm emocionalisht dhe karantina bëri të vetën, Sofia e ka parë këtë si një zgjidhje për t’i dhënë Scott-it më shumë kohë të merret me veten.
Lart e poshtë u tha se Disick ishte kthyer në krahët e Kourtney Kardashian, mirëpo duket se lajmet s’kanë qenë të vërteta.
Vetëm pak kohë pas ndarjes, Scott dhe Sofia janë fotografuar sërish bashkë në plazh në Malibu.
Ata dukeshin shumë të qetë në shoqërinë e njëri-tjetrit teksa kalonin kohë edhe me miq të përbashkët.
S’dihet në ç’fazë të marrëdhënies janë tani, por duket se gjërat mes çiftit po shkojnë në rrugën e duhur.
