Modelja Arbenita Ismajli është një ndër emrat më të komentuar të showbiz-it shqiptar dhe konsiderohet si një ndër vajzat më të bukura të vendit, e cila ka korrur sukses të madh në modeling jashtë Shqipërisë.
Tiparet e saj tërheqëse preferohen shumë nga kompanitë e huaja, të cilat përdorin imazhin e bukuroshes për të reklamuar produktet e tyre si veshje apo kozmetikë.
Mirëpo, nëse mendonit se gjithçka është OK me modelen dhe ka gjithmonë një fytyrë perfekte, e keni gabim!
Edhe Arbenita vuan nga aknet në fytyrë, të cilat na i tregoi vetë!
Modelja ka dashur të japë një mesazh për ndjekësit e saj me të njëjtin problem, duke lënë të kuptohet se aknet janë diçka shumë normale.
“Thjesht doja të thoja që aknet janë shumë normale.”-shkruan Arbenita krahas fotos ku filmon fytyrën e saj nga afër.
Së fundmi, modelja u bë kryefjala e mediave për shkak të disa fotove të ndërhyrjeve në fytyrë, të cilat i publikoi një klinikë në Rusi. (Lexo këtu)
Arbenita i mohoi këto lajme, duke u shprehur se ishte lodhur nga gjithë këto shpifje për të.
