Ditën e sotme, dy këngëtaret Tuna dhe Soni Malaj befasuan ndjekësit me disa postime në Instagram, ku shfaqeshin në shoqërinë e njëra-tjetrës.
Soni shkruante “Partnerja ime në krim” krahas fotos me Tunën, ndërsa kjo e fundit tregoi në një tjetër postim se s’mund të ruante distancën me Sonin. (Lexo këtu)
Sigurisht këto postime s’lanë të kuptohet gjë tjetër, veçse që vajzat po sjellin një bashkëpunim këtë verë.
Mirëpo, ky nuk do të jetë duet!
Duket se me dy këngëtaret do të bashkëpunojë edhe këngëtari Ylli Limani, i cili ndau në Instagram një foto me Tunën.
Ata janë mbledhur në një drekë (me siguri për të diskutuar mbi projektin), ndërsa Tuna shfaqet duke kënduar në videon pa audio, teksa Ylli është përpjekur ta “fshehë” edhe pak surprizën.
“Alo alo“- shkruan këngëtari krahas videos së Tunës dhe ende nuk e dimë nëse ky do të jetë titulli i bashkëpunimit, apo thjesht një pjesë e tekstit të këngës.
Mezi po presim të mësojmë më shumë!
