Maqedonia e Veriut do të hapë kufinjtë në të gjitha pikat kufitare nga data 26 qershor.
Vendimi shoqërohet pa kushte për testin e COVID-19 apo karantinimin. Pra ndryshe nga Mali i Zi i cili kërkon testin e koronavirusit si kusht për të hyrë në kufirin e tij, Maqedonia do të hapë kufijtë për të gjithë!
Qeveria ka lehtësuar tashmë edhe masa të tjera në lidhje me hapjen e palestrave apo qendrave të fitnesit si dhe fillimin e punës në hoteleri, duke u bazuar në protokollin e sigurisë.
Ja vendimi i plotë:
Hapjen e plotë të pikave kufitare në Republikën e Maqedonisë së Veriut, për udhëtim pa pengesa të udhëtarëve dhe automjeteve, pa testin PCR, dhe pa nevojën e realizimit të vetizolimit ose domosdoshmëri të karantinës shtetërore, vendimi hyn në fuqi më datë 26.06.2020.
▶️Hapjen e transportit në aeroportin ndërkombëtar të Shkupit dhe aeroportin “Shën Apostol Pavle” në Ohër, me protokole të veçanta për punë, vendimi hyn në fuqi pas miratimit të protokoleve për punë.
▶️Në këtë séancë u miratua edhe propozimi i komisionit për sëmundje pranë Ministrisë së Shëndetësisë për fillimin me punë edhe brenda hapësirave të mbyllura të objekteve hotelierike përmes një protokoli të përshtatshëm për punë, duke filluar nga 26 qershori 2020.
▶️Gjithashtu u miratua edhe vendimi për rihapjen e palestrave dhe qendrave të fitnesit, këto qendra do të operojnë duke ndjekur protokol të përshtatshëm për punë. Palestrat dhe qendrat e fitnesit do të fillojnë me punë prej me 26 qershor 2020″ thonë zyrtarët qeveritarë.
